13 grandes cantantes e cómicos no agosto de TerraCeo

 + Amaral súmase á programación do mes de xullo

+ Click aquí para abrir a programación de agosto.

Un total de 13 grandes figuras da música e a escena compartirán os atardeceres de agosto da Ría de Vigo co público do Festival TerraCeo. A primeira edición de TerraCeo está a ter unha excelente acollida. O 70% das entradas postas á venda –as do mes de xullo e o concerto de Don Patricio o 2 de agosto- vendéronse en tan só 10 días.

Á programación de TerraCeo en xullo súmaselle agora Amaral. O seu concerto será o 19 de xullo. O Festival TerraCeo é unha aposta por gozar ao aire libre da paisaxe e a contorna da Ría de Vigo en noites construídas ao redor de concertos e monólogos.

No mes de agosto participarán en TerraCeo: Santi Balmes, Julián Saldarriaga e Dani Ferrer, compoñentes de Love of Lesbian, propoñen un paseo polo repertorio do grupo. Don Patricio, JJ Vaquero,  Alejo Stivel + Amaro Ferreiro, Uxía + Antonio Zambujo + Javier Ruibal, Moncho Borrajo, David Suárez, Kiko Veleno, Carlos Sadness,  Marlango, Recycled J + Kimberly, Miss Cafeína e Rodrigo Cuevas.

Espazo de encontro

Máis aló das actuacións centrais, a Terraza do Mar de Vigo, de 2.000 metros cadrados e cunhas impresionantes vistas das Cíes, será un espazo de encontro. A entrada farase con tempo suficiente para evitar aglomeracións e haberá barra e música desde a apertura de portas. Terminadas as actuacións centrais, o público terá ata as 23.30 PM para abandonar o Auditorio e continuar gozando das opcións de lecer da noite do verán de Vigo.

Entre as medidas de prevención sanitaria postas en marcha, estará o uso de máscaras no recinto do Auditorio salvo cando se estea sentado. As cadeiras organizaranse en grupos de ata 4 persoas, mantendo a distancia de seguridade entre os grupos, que comparten unha única entrada pero deben facilitar os datos de todas as persoas que acceden. Tamén haberá persoal adicional para axudar ao público para cumprir as medidas de distanciamento. Agosto é o segundo mes do Festival TerraCeo.

As actuacións continuarán ata setembro.

As entradas para Don Patricio, Rober Bodegas e Noites de Retranca, xa á venda

 

As entradas para o concerto de Don Patricio, Rober Bodegas e Noites de Retranca xa están á venda As entradas para os tres espectáculos de humor programados no Festival TerraCeo para o mes de xullo xa están á venda en Ataquilla. com. A oferta complétana o actor e cómico Luís Zahera -12 de xullo-, o humorista Rober Bodegas, que chega á Terraza do Mar de Vigo o 16 de xullo, e unha sesión especial de Noites de Retranca o 25 de xullo que nos achegará, nun unha soa sesión, ao dúa Mofa e Befa, a Quico Cadaval, e a Celso F. Sanmartín.

FAGA CLIQUE AQUÍ SE QUERE MERCAR ENTRADAS PARA O FESTIVAL TERRACEO

Os espectáculos de humor teñen habitualmente unha excelente acollida no Mar de Vigo. Agora, por primeira vez, chegan á Terraza do Auditorio, un espazo aberto e cunhas impresionantes vistas sobre a Ría. E a un Festival pensado para desfrutar da espectacular contorna do Mar de Vigo: as portas abriranse con antelación para evitar aglomeracións. Tras a finalización das actuacións, haberá tempo e condicións para efectuar a saída de forma gradual. As actividades paralelas do Festival –bebida, comida, animación- manteranse ao termo das actuacións para mellorar a oferta de lecer para o público, xerando unha saída do recinto gradual e evitando así calquera tipo de aglomeración.

O do rapero Don Patricio será o primeiro dos concertos programados para o mes de agosto no Festival Terraceo. As súas entradas están en venda desde esta tarde. Don Patricio é un dos artistas que máis están a revolucionar o panorama musical en España. Aínda que o seu éxito non comezou ata comezos de 2019, as súas cancións suman 200 millóns de escoitas en Spotify e 154 millóns de reproducións en Youtube.

O Festival Terraceo anima o verán de Vigo con 30 concertos

Atardeceres fronte ás Cíes, desde a terraza de 2.000 metros cadrados que coroa o edificio do Auditorio e Pazo de Congresos Mar de Vigo. E concertos íntimos, e seguros, dalgúns dos intérpretes máis aclamados en Galicia e España. Esa é a proposta do Festival TerraCeo. Así é a iniciativa coa que o Mar de Vigo pretende apoiar a recuperación da actividade cultural e turística na cidade. En total, o Festival fará pasar pola terraza do Auditorio preto de 30 intérpretes entre o 3 de xullo e o 30 de setembro.

🛎 FAI CLIQUE AQUÍ PARA IR Á TAQUILLA: ENTRADAS, PREZOS, MERCAR…

O grupo Los Secretos inaugurará o TerraCeo en dobre función os días 3 e 4 de xullo. Serán os primeiros dunha longa relación de artistas que se dará a coñecer nos próximos días. O público poderá gozar dalgunhas das voces que máis público reúnen nos escenarios de España. Tan só no mes de xullo, pasaranse tamén polo escenario, entre outros, Ariel Rot -24 de xullo-, *Álex Ubago -31 de xullo-, Andrés Suárez -10 e 11 de xullo- ou Pablo López -17 e 18 de xullo-. Nos próximos días, poderemos confirmar ademais a presenza doutros grandes nomes da música española.

Tamén haberá artistas de primeira liña internacional. E bandas viguesas. E non faltará o humor: o 12 de xullo, Luís Zahera inaugurará cun monólogo a sección escénica. O 25 de xullo, Noites de Retranca volve á cidade en sesión especial.

A programación de agosto e setembro será difundida nas próximas semanas. Entre os artistas de renome xa confirmados están Don Patricio ou Recycled J.

Horas de relax e seguridade

Cada actuación será moito máis que un concerto. As portas abriranse desde dúas horas antes do inicio da música. Facilítase así que o público chegue de forma escalada, evitando aglomeracións. E que poida gozar das vistas e da contorna. Haberá barras, e comodidades. E tamén se contará coa presenza dun DJ para construír o ambiente ideal antes da chegada da voz principal da noite.

Haberá un total de 400 cadeiras nos 2.000 metros cadrados da terraza. As cadeiras situaranse de acordo ás normativas santiarias e de distanciamentos. Os protocolos de distanciamento social, de xestión de tráficos de persoas para evitar aglomeracións, e de posta ao dispor do público de elementos de desinfección e autoprotección son unha das bases sobre as que se desenvolve TerraCeo.

As entadas dos primeiros concertos sairán á venda nas próximas horas en Ataquilla. Serán as primeiras dun Festival cheo de grandes voces, algunhas delas, por suposto, tamén de Vigo.